प्रधानाध्यापकको सक्रियताले पोखरभिण्डा विद्यालय प्रगतितर्फ

जिवछ उदासी

लहान । सामुदायिक विद्यालयको साँख बढाउन भइरहेको सरकारी प्रयासलाई लक्ष्मीपूर पतारी पोखरभिण्डा २ मा रहेको श्री जनता डोमी चौधरी माध्यमिक विद्यालय प्राविधिकधार पोखरभिण्डाले प्रगति गर्नुमा प्रधानाध्यापक पशुपति साहको भूमिका महत्पूर्ण रहेको स्थानीयहरले बताएका छन् ।

२ नम्वर वडाका वडाध्यक्ष धमेन्द्र रायका अनुसार यस विद्यालयको प्रगतिको लागि जनप्रतिनिधि, सामाजका अगुवाहरु, सबै राजनीतिक दलका अगुवाहरु समेत सक्रिय नै रहेपनि विद्यालयको प्रगतिमा प्रधानाध्यापक साहको भूमिका महत्पूर्ण छ । उहाँ विहानदेखि वेलुकासम्म विद्यालयको कार्यमा व्यस्त रहनुहुन्छ । विद्यालयमा बढी समय दिनु, सबैसँग समन्वय गर्नु, शिक्षक स्टापहरुसँग पनि राम्रोसँग घुलमिल हुनु नै रहेको छ ।

ग्रामीण भेगमा नमुना विद्यालयको रुपमा प्राविधिकधारतर्फ ओभरसियरको पढाई र कक्षा ११ र १२ मा समेत राम्रो नतिजा ल्याइरहेको यस विद्यालयको प्रगतिले यस भेगमा नमूना विद्यालयको रुपमा विकास गरिरहेको स्थानीय पत्रकार शिव कुमार साहको भनाई रहेको छ । उहाँको अनुसार विद्यालयको प्रगतिमा प्रधानाध्यापक साहको भूमिका प्रशंसनीय रहेको छ । प्रधानाध्यापक सक्रिय भएपछि विद्यालयको प्रगति हुँदो रहेछ,यो सनदेस पनि यहाँबाट प्रवाह भएको छ ।

विद्यालयका प्रधानाध्यापक पशुपति साह भन्नुहुन्छ,आफू २०६८ सालमा यस विद्यालयको प्रधानाध्यापकको पदमा आसिन भएपछि विद्यालयमाथि आठ लाख ऋण रहेको थियो । जम्मा १७ जना शिक्षक कर्मचारी स्टाप मात्रै थियो । अहिले ४२ जना शिक्षक स्टाप छ भने खातामा २८ लाख रकम रहेको छ । विधार्धीहरुको संख्या ११५० रहेको यस विद्यालयमा छात्र ५१.५९ र छात्रा ४८.४१ रहेको छ भने बालविकास कक्षा देखि कक्षा ३ सम्म पुरै अंग्रेजी माध्यम अहिले चलिरहेको छ भने यसुलाई कक्षा ५ सम्म लागु गर्न तयारी भइरहेको छ । विद्यालयको आम्दानी ५ वटा पोखरी मात्रै रहेको यस विद्यालयको प्रगतिको लागि स्थानीय दाता परिवार राजनीतिक दलहरुको सहयोग र गाँउपालिकाले सकारात्मक रुपमा सहयोग गरिरहेकोले उत्साहित भएर यस विद्यालयको प्रगतिमा आफू उत्साहित भएर लागेका छौ ।

गाँउपालिका रामबल्लभ साहका अनुसार पोखरभिण्डा माविको विकासको लागि विद्यालयको प्रधानाध्यापक पशुपति साहसँग समन्वय गरेर आवश्यक सहयोगको लागि गाँउपालिकाले सहयोग गरिरहेकै छ । प्रधानाध्यापक साह आफ्नो पदीय आचरण र सक्रियताले विद्यालयको प्रगति भएको छ । यस विद्यालयले यस भेगको गौरवको रुपमा रहेको छ ।

त्यस विद्यालयका अंग्रेजी शिक्षक राजाराम यादवले विद्यालयको प्रधानाध्यापक शिक्षक स्टाप,कर्मचारी र सामाजको सक्रिय सहयोगले गुणसतरीय शिक्षाको लागि उपयुक्त शैक्षिक वातावरण यस विद्यालयमा रहेको बताउनुभयो । लकडाउनको समयमा पनि शिक्षक स्टापले आवश्यक काम गरिहेको जानकारी दिनुभयो ।

दाता परिवारका सुर्य नारायण चौधरीले आफू यस विद्यालयको १४ वर्ष निरन्तर विद्यालयको व्यस्थापन समितिको अध्यक्ष भएर विद्यालयको प्रगतिको लागि प्रअ साहलाई सहयोग गरेको भन्दै विद्यालयको प्रगतिमा जन सहभागिता र पारदर्शीताको लागि प्रअ साह अझै पारदर्शी हुन आवश्यक छ ।