‘सामुदायिक विद्यालयको सुधार गर्न साझा प्रयास आवश्यक’

जिवछ उदासी
लहान,सामुदायिक विद्यालयको सुधानरको लागि लहान नगरपालिका शिक्षा शाखाले सामुदायिक विद्यालयको सुधारको लागि सामुदायको साझा प्रयास आवश्यक रहेको लहान नगरप्रमुख मुनि साहले बताउनु भएको छ ।

लहान–१८ भदैया विसनपुरमा रहेको राजदेवी आधारभूत विद्यालयको दुई कोठे भवनको शिलान्यास तथा भूमि पूजा गर्दै प्रमुख साहले यस्तो बताउनु भएको हो ।

शैक्षिक गुणस्तर सुधारको लागि शिक्षकहरुलाई अनिवार्य आधारभूत तालिम,भौतिक पूर्वाधार निर्माण र लहान नगरपालिका शिक्षा शाखाले नियमित अनुगमनको पाटोलाई अघि बढाए पनि सामुदायले समेत उतिकै जिम्मेबारी बुझेर साझा प्रयास गरेमा सामुदायिक विद्यालयको सुधारमा समय नलाग्ने उहाँले विश्वास व्यक्त गर्नुभयो ।

प्रमुख साहले भन्नुभयो,‘शिक्षक सरुवा पनि सामुदायिक विद्यालयको सुधारकै लागि प्रयास थालिएको भएपनि शिक्षकहरु यसलाई सकारात्मक रुपमा नलिनुले समस्या भयो । शिक्षा शाखाले नगरको ५९ वटै सामुदायिक विद्यालयको सुधारको लागि शिक्षक र सामुदायसँग मिलेर शैक्षिक माहोल बनाउन लागेको छ ।’

लहान नगरपालिका शिक्षा शाखाका संयोजक राजकुमार साहले सामुदायिक विद्यालयको सुधारको लागि नगरपालिकाले गरिरहेको प्रयासलाई सबैले सघाउनुपर्ने आग्रह गर्नुभयो ।

उत्कृष्ट विधर्थी, शिक्षक, प्रधानाध्यापक र समितिलाई समेत पुरस्कृत गरी सुधारको लागि स्वस्थ्य प्रतिस्पर्धामा सामुदायिक विद्यालयलाई सुधार गर्नेमा जोड दिनुभयो ।

शिलान्यास कार्यक्रममा सगरमाथा माध्यमिक विद्यालयका प्रधानाध्यापक दोस्त बाहादुर भट्टराई,राजाजी जनता माध्यमिक विद्यालयका प्रधानाध्यापक इन्द्रदेव चौधरी,श्री जनता आधारभूत विद्यालय बैरिया गुँदीगाँउ लहान –१० का प्रधानाध्यापक रंगलाल साहले सामुदाय, समिति , नगरपालिकासँग सम्नवय गरेर विद्यालय सुधारको लागि प्रयास थालिसकेको धारणा व्यक्त गर्नुभयो ।

नेपाल राष्ट्रिय शिक्षक संगठन लहान नगर कमिटिका अध्यक्ष जिवछ यादव र संघीय समाजवादी शिक्षक फोरम लहान नगरकमिटि अध्यक्ष नेपाली साह र सगरमाथा माविका विद्यालय वयवस्थापन समिति अधयक्ष वरिेन्द्र चौधरीले सामुदायिक विद्यालय सुधार गर्न आपसी समझदारी र साझा दृष्टिकोण बनाएर अघि वढने प्रतिवद्धता व्यक्त गर्नुभयो ।

लहान–१५ र लहान –१८ का वडाध्यक्षहरु क्रमशः तेजनारायण चौधरी र मो शम्शेरले जनप्रतिनिधिको हैसियतमा सामुदायिक विद्यालयको सुधारको लागि सहमति सहकार्य र एकताको माध्यमबाट अन्तर वडास्तरीय छलफललाई अघि बढाइने तर्क अघि सार्नुभयो ।

विद्याय व्यवस्थापन समितिका अध्यक्ष दिपेन्द्र महतोको अध्यक्षतामा सम्पन्न कार्यक्रममा त्यस विद्यालयका प्रधानाध्यापक उद्धव हमालले विद्यालयको प्रगति विवरण प्रस्तुत गर्नु भएको थियो ।

लहान नगरपालिकाको उत्तरी भेगमा पर्ने लहान १५ का सगरमाथा मावि,श्री राजाजी जनता मावि भदैया र राजदेवी आधारभूत विद्यालयमा दुई कोठे पककी भवनको लहान नगरपालिकाले शिलान्यास गरेर निर्माण कार्य अघि बढाई सकेको छ ।