डेंगु रोग नियन्त्रण सम्बन्धी अभिमुखिकरण

एलिना हिंगमाङ्ग चौधरी,

लहान । सिरहाको लहानमा डेंगु रोग नियन्त्रण सम्बन्धी अभिमुखिकरण कार्यक्रम सम्पन्न भएको छ । लहान नगरपालिका स्वास्थ्य शाखाको आयोजनामा सोमबार लहान १ स्थित आधारभुत विद्यालय सिंगराही मटियार्वाको हलमा महिला स्वास्थ्य स्वयं सेविकाहरु वीच अभिमुखिकरण कार्यक्रम सम्पन्न भएको हो ।

कार्यक्रममा लहान नगरपालिका स्वास्थ्य शाखाका चन्देश्वर यादवले डेंगु रोग नियन्त्रण गर्ने उपाय, डेंगु रोग बाट बच्ने उपाय, डेंगु रोग कसरी सर्छ भन्ने बारेमा जानकारी गराउनुभएको थियो ।

कार्यक्रममा बोल्दै यादवले टायर तथा प्लासटिक लगाएतमा जमेको पानीमा लामखुटटे्ले लार्भा हुर्काउने बताउनुभयो । डेंगु रोगबाट बाच्नका लागी टायर, प्लासटिक लगाएतमा जमेको पानीमा लामखुटटे्ले हुर्काएको लार्भालाइ नष्ट गर्न र जमेको पानी सफा गर्नु पर्ने बताउदै डेंगु रोगबाट बच्न सबैले सरसफाईमा ध्यान दिुनुपर्नेमा जोड दिनुभयो ।

३५ जना महिला स्वास्थ्य स्वयं सेविकाहरु बीच भएको अभिमुखिकरण कार्यक्रममा डेंगु रोग नियन्त्रण गर्न लार्भा खोजी नष्ट गर्ने अभियान संचालन गर्ने, सरोकारबालाहरुको भूमिका र डेंगु रोगको विगत र वर्तमान अवस्थाबारे जानकारी गराउनु भएको थियो ।