लहान बजारको राम मन्दिर निर्माण कार्य सुरु

जिवछ उदासी

लहान, मंसिर ८ गते । लहान-७ मुख्य बजार स्थित राम मन्दिर निर्माण कार्य सुरु भएको छ । लहान नगरप्रमुख मुनि साहले बुधबार धार्मिक बिधि अनुसार शिलान्यास गर्नु भयो ।

लहानको पुरानो इतिहास हेर्दा लहान राममन्दिरले लहानको धार्मिक आस्था र विकासमा महत्वपुर्ण भूमिका खेलेको प्रमुख साहले बताउनुभयो । 

पुरानो भत्काएर नयाँ मन्दिर निर्माणको लागि नगरपालिकाले लिएको लक्ष्य अनुसार काम अघि बढाउन निर्माण कार्य सुरु भैसकेकोले निर्धारित समयमा नै निर्माण कार्य सम्पन्न गर्न ठेकेदारसँग आग्रह गर्नुभयो । 

लहान-७ का वडाध्यक्ष राकेश रोशन गुप्ताले राम मन्दिरको निर्माण कार्यको सुरु भएपछि यस वडाको विकास मात्रै नभएर लहान नगरपालिकाकै धार्मिक पर्यटनमा वल पुगेको बताउनुभयो ।

लहानको मुख्य बजारमा रहेको राम मन्दिर निर्माणको कार्य सुरु भएपछि स्थानीयहरु खुसी भएका छन् ।