लहानका सामुदायिक विद्यालयहरुमा परीक्षा सुचारु

 

जिवछ उदासी 

लहान,मंसिर २० गते । लहान नगरपालिकाको अधिकांश सामुदायिक विद्यालयहरुमा आज सोमबारदेखि निर्धारित समयमा परीक्षा सुरु भएको छ । २०७५ सालदेखि नगरपालिका शिक्षा शाखाले परीक्षा लिँदै आएको छ । 

लहान नगरपालिका शिक्षा शाखाले सञ्चालन गरेको परीक्षा बहिष्कार गर्नुको कुनै औचित्य नरहेको शिक्षा संयोजक राज कुमार साहले बताउनुभयो । उहाँले भन्नुभयो,' परीक्षा नलिने विद्यालयहरुलाई यसबारे स्पष्टीकरण सोधिनेछ । शिक्षा क्षेत्रलाई राजनीति अखडा इ दिउन्नौ ।'

लहान नगरपालिकाले गरेको हरेक विकासको योजनाहरु असफल गर्न विपक्षीले गरिरहेको भूमिकामा शिक्षकहरु पनि जानुले शिक्षाको विकास कसरी हुने गम्भीर प्रश्न खडा भएको संयोजक साहले चिन्ता व्यक्त गर्नुभयो ।