एमाले सिरहा जिल्ला अधिवेशन लहानमा हुने

 

जिवछ उदासी 

लहान,पुस ६ गते । केन्द्रले तोकिएको निर्धारित समयमै नेकपा एमालेको जिल्ला अधिवेशन पुस २३ गते लहानमा हुने निर्णय गरेको छ । 

सिरहा सदरमुकाम सिरहामा बसेको नेकपा जिल्ला कमिटिको पुर्ण बैठकबाट निर्णय भएको पार्टी अध्यक्ष चन्देश्वर मण्डलले जानकारी दिनुभयो । 

सिरहामा ४ हजार ९२२ संगठित सदस्यहरु मध्ये ५ सयभन्दा नबढाउने गरी प्रतिनिधि चयन हुने उहाँले बताउनुभयो । 

बैठकलाई सम्बोधन गर्दै नवनिर्वाचित पोलिटब्युरो सदस्य लिलानाथ श्रेष्ठले सिरहा जिल्लालाई एमालेको किल्लाअ बनाउन आउने चुनावमा स्थानीय,प्रदेश र संघीय चुनाव जित्न हरेक तह तप्काका नेता कार्यकर्ताहरुलाई परिचालनमा लाग्न जोड दिनुभयो ।

नेकपा केन्द्रीय सदस्य तथा सिरहा इन्चार्ज गंगा प्रसाद यादवले जिल्ला अधिवेशन सम्पन्न गरेर जनताको समस्यालाई एमालेले उठाएर जनमत एमालेको पक्षमा सृजना गर्ने दायित्व हामी सबैको काँधमा आएको प्रष्टयाउनु भयो ।