दुबैतर्फ बराबर जमीन नलिँदा नेवार समुदाय मार्कामा

 

 

जिबछ उदासी 

लहान,माघ ५ गते । हुलाकी मार्ग निर्माण र सडक बिस्तार कार्य सिरहा नगरपालिका -१ महाबीर चोकमा जग्गा खाली गराउने क्रममा केन्द्रबाट दुबेतिर जग्गा नलिँदा नेवार समुदाय मार्कामा परेको छ । 

राजमार्ग निर्माणको लागि हामी बाधक छैनौ हेमन्त कुमार प्रधानले भन्दै नेवार समुदाय बसेको बस्तीतर्फ २ कठा जमीन लिएको छ भने दक्षिणतर्फ एक कठा मात्रै खालि गराएको गुनासो गर्नुभयो । 

जिल्ला प्रशासन कार्यालयमा भएको सहमति अनुसार केन्द्रबिन्दुबाट दुबैतिर १५ मिटर लिनुपर्नेमा त्यसो नगरेकोले हामी नेवार समुदाय अन्यायमा परेका प्रधानले दुखेसो पोख्नुभयो । 

यता हुलाकी सडकमा इन्जिनियर जयनाथ यादवले सिरहा नगरपालिकाले नापीबाट टोली बोलाएर नापी गरेर जग्गा छुट्टयाएको जानकारी दिनुभयो । दुबैतिर यादव र नेवार समुदायको जमीन खाली गराएको उहाँले भन्दै जिल्ला प्रशासन,सिरहा नगरपालिका र स्थानीय भरभलादमी सबैको रोहबरमा जग्गा खालि गराएकोले यसमा कुनै विभेद नभएको र निराधार आरोप लगाएको बताउनुभयो । यस बिषयमा सिरहा नगरपालिकाको प्रमुख प्रशासकीय अधिकृत बलराम यादवसँग सम्पर्क गर्दा हुन सकेन ।