नेपाल बुद्धिजिवी परिषद् सिरहाको अध्यक्षमा भैरव प्रसाद गेलाल चयन

फिरोज सिद्दिकी,

सिरहा । नेकपा एमाले आवद्ध नेपाल बुद्धिजिवी परिषद् सिरहाको छैठो जिल्ला अधिवेशनबाट भैरव प्रसाद गेलाल चयन भएका छन् । शनिबार सिरहाको चोहर्वा स्थित सामुदायिक भवनको सभा हलमा सम्पन्न अधिवेशनबाट गेलाल अध्यक्षमा चयन भएका हुन् ।त्यस्तै परिषद्को उपाध्यक्षमा रामबाबु यादव, सचिवमा भानु गौतम, सह-सचिवमा हेम शंकर यादव र कोषाध्यक्षमा ध्यानी मण्डल चयन भएका छन् ।

सदस्यहरुमा नथ्थु मण्डल, प्रलहाद बुढाथोकी, शिवनाथ यादव रहेका छन् भने सलाहकार परिषदको संयोजकमा सकल देव यादव चयन भएका छन् ।

सिरहाको प्रत्येक पालिकाबाट समेटिनेगरी समावेशी १९ सदस्य कार्य समिति बनाउने नेकपा एमाले सिरहा जिल्ला अध्यक्ष चन्देश्वर मण्डलले जानकारी दिनु भयो ।

परिषद्का संयोजक दिपनारायण यादवको अध्यक्षतामा भएको कार्यक्रममा प्रमुख अथिति नेकपा एमालेका पोलिटव्यूरो सदस्य एवं मधेश प्रदेशका सह इन्चार्ज लिलानाथ श्रेष्ठ, नेकपा एमालेको सिरहा जिल्ला अध्यक्ष चन्देशवर मण्डल, नेपाल बुद्धिजिवी परिषद्का केन्द्रिय उपाध्यक्ष कामानन्द देव लगायको उपस्थिति रहेको थियो ।