वडाध्यक्ष यादव रहनु भएन

जीबछ उदासी
लहान,चैत १८गते । गोलबजार नगरपालिका वडा नम्बर ११ का वडाध्यक्ष राम देव यादवको निधन भएको छ । मुटु रोग लागेका यादवको उपचारको क्रममा मृत्यु भएको हो

फागुन महिनामा काठमाण्डांैबाट उपचार गरेर घर फर्किनु भएको यादव दुई दिन अघि गाउँकै बजारमा आएको वेला वेहोस हुनु भएको थियो । विराटनगरमा थप उपचार गराउने क्रममा मृत्यु भएको गोलबजार नगरपालिकाले जनाएको छ ।
गोलबजार ११ बलकवा घर भएको यादव नेकपा एमालेबाट निर्वाचित हुनु भएको थियो । उहाँको तीन छोरी र श्रमति रहेको यादवको मृत्युले नगरपालिकाको एक सदस्य गुमेकोमा गोलबजार नगरपालिका शोकाकूल भएको नगरप्रमुख देबनाथ साहले बताउनुभयो ।

यादवको दाह संस्कारको लागि तयारी भइरहेको नेकपा एमाले जिल्ला कमिटि अध्यक्ष चन्देश्वर मण्डलले जनाउदै वडाध्यक्ष यादवको मृत्युले पार्टीलाई ठूलो क्षति भएको बताउनुभयो ।