लहानको मेयरमा कांग्रेस उपमेयरमा जसपा विजयी

लहान । सिरहाको लहान नगरपालिकामा गठबन्धनबाट नेपाली कांग्रेसका मेयर तथा जनता समाजवादी पार्टी नेपालका उपमेयर निर्वाचित भएका छन् । यसअघि २०७४ को स्थानीय तहको निर्वाचनमा ९ वटा वडामात्र जितेका कांग्रेस यो निर्वाचनमा प्रमुखसहित बहुमत वडामा विजयी भएका हुन् ।

गत निर्वाचनमा ९ हजार १३८ मत ल्याएर दोस्रो स्थानमा रहेका कांग्रेस यस निर्वाचनमा महेश चौधरीले निवर्तमान प्रमुख मुनि साहलाई पराजित गरी नगर प्रमुख बनेका छन्।

निवर्तमान नगर प्रमुख साहलाई ८ हजार १३९ मत अन्तरले पराजित गर्दै नगर प्रमुखमा चौधरी विजयी भएको निर्वाचन अधिकृतको कार्यालय लहानले जानकारी दिएको छ ।

नगर प्रमुखमा चौधरीले २० हजार १०५ मत ल्याए भने एमालेका साहले ११ हजार ९६६ मत ल्याए । नेकपा एमालेबाट अलग भएर नयाँ पार्टी खोलेका नेकपा एकिकृत समाजवादी तेस्रो स्थानमा रहेको छ । नेकपा (एस) का विनोद कुमार साहले २ हजार १५२ मत ल्याएका छन् ।

एमालेका साह २०७४ को स्थानीय तहको निर्वाचनमा ११ हजार ३०७ मत ल्याई प्रमुखमा निर्वाचित भएका थिए । उक्त निर्वाचनमा नेपाली कांग्रेसका अचमितलाल चौधरी ९ हजार १३८ मत ल्याई निकट्तम प्रतिद्वन्द्वी रहेका थिए भने संघीय माजवादी फोरम नेपालका वैद्यनाथ प्रसाद साह तेली ५ हजार ७३७ मत ल्याई तेस्रो स्थानमा रहेका थिए।

लहन नगरपालिकामा निर्वाचित जनप्रतिनिधिहरु ः
लहान १ मा नेपाली कांग्रेसका युगल किशोर चौधरी ८३१ मत प्राप्त गरी विजय हासिल गरेका छन् भने निकट्तम प्रतिद्वन्द्वी नेकपा एमालेका मन्टुन चौधरी ६०६ मत प्राप्त गरेका छन् ।

लहान वडा नं. २ र ३ मा नेपाली कांग्रेसका सियाराम यादव र राम दयाल महतो निर्वाचित भएका छन् । यादव ३९० मत प्राप्त गरेका छन भने महतो ६४७ मत प्रप्त गरेका छन् । निकट्तम प्रतिद्वन्द्वी वडा नं. २ मा जसपा नेपालका शिव नारायण महतो ३५३, वडा नं. ३ मा नेकपा एमालेका राजेश कुमार चौधरी ५४५ मत प्राप्त गरेका छन् ।

त्यसैगरी लहान ४ मा जसपा नेपालका रामनाथ पंडित ४३४ निकट्तम प्रतिद्वन्द्वी नेपाली कांग्रेसका मो. अबुल मिया ४२० मत प्रापत गरेका छन् । लहान वडा नं. ५, ६, ७, ८ र ९ मा नेपाली कांग्रेसबाट क्रमशः अब्दुल करिम ७३७, रमेश उपाध्याय ३२३, रामऔतार शर्मा ६७४, श्याम कुमार साह ६८३ र घुरन थारु ४६८ मत प्राप्त गरी विजय हासिल गरेका छन् ।

यसैगरी लहान १० मा नेकपा एमालेबाट मन्टी कुमार मण्डल ८२० मत ल्याएर निवाचित भएका छन् भने निकट्तम प्रतिद्वन्द्वी नेकपा एकिकृत समाजवादीका कृष्ण हरी गैरेल २६१ मत प्रात गरेका छन् ।

लहान वडा नं. ११, १२, १३, १५, १६, १९ र २२ मा नेपाली कांग्रेसका क्रमशः सुर्य नारायण चौधरी ७७१, बद्री नारायण चौधरी ५९६, मनोज कोइराला ६८५, तेज नारायण चौधरी १०९१, गडुल बहादुर जर्घा मगर ४००, मो. कमरुद्दिन राइन १०१५ र श्याम कुमार अधिकारी थारु ९२२ मतका साथ विजय हासिल गरेका छन् ।

लहान १४ मा नेकपा एकिकृत समाजवादीका धनिलाल यादव ४२७ मत प्राप्त गरी निर्वाचित भएका छन् भने निकट्तम प्रतिद्वन्द्वी नेपाली कांग्रेसका महेश कुमार श्रेष्ठ ३५२ मत प्राप्त गरका छन् ।

यस्तै लहान १७, १८ र २१ मा नेकपा एमालेका उम्मेदवारहरु क्रमशः प्रथम लाल चौधरी ६०३, मो. समशेर १२४७ र राजकुमार यादव ७६३ मत प्राप्त गरी विजय हासिल गरेका छन् ।

लहान २० मा भने नेकपा माओवादी केन्द्रका गणेश कुमार चौधरी ९०१ मत प्राप्त गरी विजय भएका छन् । लहान २३ र २४ मा जसपा नेपालका उम्मेदवारहरु क्रमशः बद्री यादव ९८४ मत, रासलाल राय राजपुत १६७८ मत प्राप्त गरी विजय हासिल गरेका छन् ।