गोलबजार नगरपालिकामा एमालेको मेयर उपमेयर मा शानदार जीत

जीवछ उदासी 

लहान, जेठ १० गते । गोलबजार नगरपालिकाको मेयर उपमेयर दुबै पदमा नेकपा एमाले जीत निकालेको छ । मेयरमा श्याम कुमार श्रेष्ठ र उपमेयरमा मान्ती कुमारी साह निवार्वाचित भएका हुन् । 

मेयर पदमा श्रेष्ठले नेकपा माओवादीका उम्मेदबार देवनाथ साहलाई २,२०७ मतले पराजित गरेको छ । उपमेयरमा मान्ती कुमारी साहले माओवादीकै रेशम कुमारी थापालाई २,०६० मतले पछि पार्नु भएको हो । 

२०७४ सालको स्थानीय चुनावमा देवनाथ साह भन्दा १,३५४ मतले पछि पर्नु भएको श्रेष्ठ यसपटक जीत निकाल्न सफल हुनु भएको छ ।

नेकपा एमालेको जिल्ला उपसचिव समेत रहनु भएको श्रेष्ठ विकासप्रेमी र जनसेवी छवि बनाएकोले शानदार जीत निकाल्न सफल हुनु भएको स्थानीयहरु बताउछन् । 

निर्वाचित भए लगतै समृद्ध सम्पन्न गोलबजार निर्माणको लागि र सामाजिक न्यायको प्रत्याभूति दिलाउन जनभावना अनुसार काम गर्ने समृद्धिपथ अनलाइनलाई बताउनु भएको छ ।

२०७४ सालको निर्वाचनमा ६ पालिका जितेका नेकपा माओवादी केन्द्र मिर्चैया नगरपालिकामा मात्रै जीत हासिल गरेको छ । गोलबजार नगरपालिका जितेपछि सिरहाको १७ मध्ये ९ पालिका जितेर नेकपा एमाले सिरहाको ठूलो दल भएको छ ।