बालबालिकालाई आज र भोलि भिटामिन ‘ए’ क्याप्सुल खुवाईंदै

सिरहा । आजबाट बालबालिकाहरुलाई भिटामिन ‘ए’ क्याप्सुल र जुकाको औषधि खुवाउन शुरु गरिएको छ । स्वास्थ्य तथा जनसंख्या मन्त्रालयको कार्यक्रम अनुसार बुधवार र बिहीवार भिटामिन ‘ए’ क्याप्सुल र जुकाको औषधि खुवाइन्छ ।

‘भिटामिन ‘ए’ क्याप्सुल खुवाऔं, बालबालिकालाई स्वास्थ बनाऔं’ भन्ने मूल नाराका साथ शुरु गरिएको सो कार्यक्रम बिहान ८ बजेबाट बेलुका ४ बजेसम्म सञ्चालन हुदैछ । महिला स्वास्थ्य स्वयम्सेविकाहरुले ६ महिनादेखि ५ वर्ष उमेर समूहका बालबालिकालाई सो क्याप्सुल खुवाईरहेका छन् । - न्यूज एजेन्सी नेपाल