देशभर छठको उल्लास : अस्ताउँदो सूर्यलाई अर्घ्य, नेतादेखि सर्वसाधारणसम्म पूजामा सहभागी

  • कार्तिक २९, २०८३
  • समृद्धिपथ
alt

फिरोज सिद्दिकी 

सिरहा । सूर्य उपासनाको महापर्व छठअन्तर्गत आइतबार देशभरका विभिन्न नदी, पोखरी तथा जलाशयमा श्रद्धालुहरूले अस्ताउँदो सूर्यलाई अर्घ्य अर्पण गरेका छन्। तराई–मधेशसहित देशका विभिन्न स्थानमा छठ पर्वको रौनक छाएको छ। छठ घाटहरूमा व्रतालु तथा श्रद्धालुहरूको उल्लेख्य भीड देखिएको छ।

FB_IMG_1794744858327

सिरहा सदरमुकाममा उज्यालो नेपाल पार्टीका अध्यक्ष कुलमान घिसिङले विभिन्न छठ घाटको अवलोकन गर्नुका साथै पूजाआजा गरेका छन्। उनले सलहेश मन्दिरअगाडिको पोखरीसहित विभिन्न छठ घाटको स्थलगत अवलोकन गर्दै व्रतालुहरूसँग प्रत्यक्ष भेटघाट र भलाकुसारीसमेत गरेका थिए।

पूजाआजा तथा अर्घ अर्पणपछि सञ्चारकर्मीसँग कुराकानी गर्दै अध्यक्ष घिसिङले छठ पर्वको विशिष्ट धार्मिक तथा सांस्कृतिक महत्त्व रहेको बताए। विशेषगरी ३६ घण्टासम्म निराहार र निर्जल व्रत बसेर मनाइने यस पर्वले मानिसमा आध्यात्मिक विश्वास, आस्था र आत्मबल बढाउने उनको भनाइ थियो।

FB_IMG_1794744963770

यता, जनकपुरधामस्थित गंगासागर पोखरीको घाटमा राष्ट्रिय स्वतन्त्र पार्टीका सभापति रवि लामिछाने र उनकी धर्मपत्नीले अस्ताउँदो सूर्यलाई अर्घ्य अर्पण गरेका छन्। उनीहरू छठ पूजामा सहभागी हुँदै धार्मिक अनुष्ठानमा सरिक भएका हुन्।

FB_IMG_1794745042823

त्यसैगरी, छठ पर्व मनाउन सर्लाही पुगेका नेपाली कांग्रेसका सभापति गगन थापा पूजा सामग्रीसहित दउरा बोकेर छठ घाटतर्फ गएको दृश्य पनि चर्चामा रह्यो।

FB_IMG_1794744741813

वीरगञ्जको घडिअर्वा पोखरीमा आयोजित छठ पूजामा सभामुख डीपी अर्याल सहभागी भएका छन्। त्यस्तै, सिराहाको लहान स्थित खुट्टी खोलामा व्रतालुहरूले अस्ताउँदो सूर्यलाई अर्घ्य अर्पण गर्दै छठ पूजा गरेका छन्।

20261115_164548

चार दिनसम्म विधिपूर्वक मनाइने छठ पर्वको मुख्य अनुष्ठानअन्तर्गत आज अस्ताउँदो सूर्यलाई पहिलो अर्घ्य अर्पण गरिएको हो। भोलि बिहान उदाउँदो सूर्यलाई अर्घ्य दिएपछि यस वर्षको छठ पर्व विधिवत् रूपमा सम्पन्न हुनेछ।

धार्मिक आस्था, अनुशासन, शुद्धता र प्रकृतिप्रतिको सम्मानसँग जोडिएको छठ पर्वले समाजमा धार्मिक सहिष्णुता, सामाजिक सद्भाव र आपसी एकताको सन्देश प्रवाह गर्दै आएको छ।

20261115_164801

FB_IMG_1794744799300

लागूऔषधविरुद्ध सिरहा ...

फिरोज सिद्दिकी  सिरहा । लागूऔषध दुर्व्यसनविरुद्ध ...

देउसी–भैलो कार्यक्रम ...

रुपन्देही । परम्परागत देउसी–भैलो कार्यक्रममा नेपा ...

मकवानपुरमा इभी हाइस ...

हेटौँडा । मकवानपुरको भीमफेदीमा यात्रुवाहक विद्युतीय हाइ ...

पत्रकारलाई गालीगलौज ...

लहान। समाचार प्रकाशनपछि सञ्चारकर्मीको तस्बिर सामाजिक सञ ...

समृद्धिपथ दैनिक राष्ट्रिय पत्रिकाद्वारा संचालित

दर्ता ठेगाना: लहान न.पा-८, सिरहा (नेपाल)

कार्यालय: लहान न.पा-८, सिरहा (मधेश प्रदेश) नेपाल

मो.नं.: ००९७७-९८४२८२६०६५

ईमेलः [email protected]

दर्ता नं.: १०२/२०७५/०७६

प्रधान सम्पादकः जिवछ यादव उदासी

प्रकाशक/सम्पादक: मो. फिरोज सिद्दिकी

ईमेलः [email protected]

सुचना तथा प्रसारण विभाग: N/A

Copyright © 2020 / 2026 - Samriddhipath.com All rights reserved

प्रेस काउन्सिल नेपाल: : N/A