सप्तरीमा निर्वाचनको तयारी पूरा

सप्तरी, १ मंसिर 

जिल्ला निर्वाचन अधिकृतको कार्यालय सप्तरीका मुख्य निर्वाचन अधिकृत हेमन्त रावलले सप्तरीमा निर्वाचनको तयारी पूरा भएको बताएका छन् ।

उनले जिल्लामा २९७ मतदानस्थलमा ५३६ वटा स्थायी र २ वटा अस्थायी गरी ५३८ वटा बुथमा निर्वाचन सम्पन्न गराउन सम्पूर्ण तयारी पूरा भएको जानकारी दिएका छन् ।
'जिल्लामा टाढा रहेको बुथमा सुरक्षाकर्मीसहित आजै मतदान सामग्री पठाइउने काम भइरहेको छ । नजिकै रहेका बुथमा भोलि कर्मचारी सुरक्षाकर्मीसहित मतदान सामग्री पुग्ने उनको भनाइ रहेको छ ।

३० वैशाखमा भएको स्थानीयतह निर्वाचनको आधारमा २९७ वटै मतदानस्थलको सुक्ष्म अध्यनन गरेर निर्वाचनको तयारी गरिएको जानकारी दिए । 

सप्तरीमा २०८ वटा मतदानस्थल अति सम्वेदनशील, ८३ वटा सम्वेदनशील र ६ वटा सामान्य रहेको जिल्ला निर्वाचन अधिकृतको कार्यालयले जानकारी दिएको छ।
जिल्लाका चारवटै निर्वाचन अधिकृतको कार्यालयबाट मतदान अधिकृतहरुले निर्वाचन सामग्री बुझसकेका छन् ।