शान्ति सुरक्षाको लागि सरकार कटिबद्ध: मन्त्री सिंह

 

जीवछ उदासी 

लहान,फागुन ६ गते । 

मधेश प्रदेशका गृह तथा सञ्चारमन्त्री शत्रुधन प्रसाद सिंहले मधेशको समृद्धि र विकासको लागि शान्ति सुरक्षा कायम गर्न प्रदेश सरकार कटिबद्ध रहेको बताउनु भएको छ । लहान- २ मा गणपति जनकल्याण सेवा समितिको उद्घाटन गर्दै यस्तो बताउनु भएको हो । 

मन्त्री सिंहले भन्नुभयो,' मधेश प्रदेशमा समृद्धि ल्याउन सरकारले हरेक कार्यलाई योजनावद्ध रुपमा लागि गर्न गृहकार्यमा लागेको छ । प्रदेशमा बढ्दो महिला हिंसा,लागु पदार्थको सेवन नियणत्रण गर्न गृह मन्त्रालय व्यावहारमै काम देखिने गरी तयारीमा छ ।'

 कार्यक्रममा धनगढीमाई नगरपालिका प्रमुख शिव शङ्कर महतोले सामाजिक जागरणको लागि गणपति जनकल्याण सेवाले नमूना काम गरेर स्वर्गीय गणपति महतोको सपना साकार गर्नुपर्ने धारणा व्यक्त गर्नुभयो । 

कार्यक्रममा नेकपा एमाले जिल्ला कमिटि सदस्य राम नारायण मेहता लगायत स्थानीय सहभागीहरुलाई गम्छा ओढाएर सम्मानित गरेको थियो भने प्रमुख अतिथि र विशिष्ट अतिथिहरुलाई दोसल्ला ओढाएर सम्मान गरेको थियो । शिवरात्रीको दिन परेकोले गणपति कलशयात्रा समेत गरेको थियो ।