लहान नगरप्रमुख चौधरीको मिलोमतोमा सरकारी सम्पत्तीमा भ्रष्टाचारको आरोप

फिरोज सिद्दिकी

लहान । लहान नगरपालिकाका नगरप्रमुख महेश प्रसाद चौधरीको मिलोमतोमा लहान ७ का वडाअध्यक्ष रामऔतार शर्माले सरकारी सम्पत्ती आफूखुशी बेचविखन गरी भ्रष्टाचार गरेको आरोप स्थानीयहरुले लगाएका छन् ।

लहान-७ स्थित रहेको पुरानो नगरपालिकामा १५ लाख मूल्य बराबरको कावाडी फलामहरु कुनै लिलामी प्रक्रिया पुरा नगरी बिक्री गरेर वडाध्यक्ष राम औतार शर्माले नीतिगत भ्रष्टाचार गरेका हुन् ।

सरकारी सम्पत्ति गैरकानूनी रुपमा दुरुपयोग गरेको भन्दै लहान-७ का पुर्व वडाध्यक्ष राकेश कुमार गुप्तालगायत स्थानीयहरुले अख्तियार रुपयोग अनुशन्धान आयोगमा निवेदन समेत दर्ता गराएको पत्रकार सम्मेलन मार्फत जनाएको छ ।

पत्रकार सम्मेलनमा पूर्व वडाध्यक्ष गुप्ताले नगरपालिकाको सम्पत्ति जनताको हितमा हुने भएकाले कानुनी र नैतिक मापदण्डको पालना गरी पारदर्शी ढंगले बिक्री वितरण गरिनुपर्छ । तर, वडा अध्यक्षले कानुन उल्लङ्घन गरी गैरकानूनी रूपमा सामान बिक्री वितरण गरी जनहितमा ठेस पुर्‍याएको आरोप लगाएका छन् ।

वडाध्यक्ष शर्मामाथि लागेको आरोपले जनतामा गम्भीर चासो बढाएको छ भने यस विषयमा गहिरो अनुसन्धान गरी गैरकानुनी गतिविधिमा संलग्नलाई कारबाही गर्न सरकारसँग माग गरेका छन् ।

लहान ७ का पूर्व वडा सदस्य आनन्द चौधरीका अनुसार नगरपालिकाको सम्पत्तिको अवैध बिक्री वितरण गम्भीर विषय हो जसलाई हल्का रुपमा लिनु हुँदैन । यसले कानूनको शासनलाई कमजोर बनाउनुका साथै सरकारी संस्थाहरूप्रति जनताको विश्वासमा चोट पुर्‍याउँछ। तसर्थ, वडा अध्यक्ष विरुद्धको आरोपको गहिरो छानबिन गरी दोषीहरूलाई कारवाही हुनु पर्ने माग गर्नुभयो ।

लहाननगर प्रमुख महेश प्रसाद चौधरीले सपथ लिने क्रममा आफू भ्रष्टाचार नगर्ने र कसैको पनि भ्रष्टाचार नसहने उदघोष गर्दै आफू त्यहिदिन राजीनामा दिने घोषणा समेत गर्नु भएको थियो। पूर्व वडाध्यक्ष राकेश रोशन गुप्तालगायतका स्थानीयहरुले प्रमाणसहितको आरोप लगाएकाछन् । अब शुशासन र पारदर्शितामा प्रतिबद्ध मेयर चौधरीले भ्रष्टाचार बिरूध्दको उद्घोष निष्पक्ष रूपमा कार्यान्वयन गर्ने कि नगर्ने ? नगरवासी प्रतिक्षा गरेका छन् ।