सिराहाको अम्वासमा हुने एमाले सचिवालय बैठक स्थगित

सिराहा । सिराहामा हुने भनिएको नेकपा एमालेको सचिवालय बैठक स्थगित भएको छ । सिराहाको धनगडीमाइ नगरपालिका अम्वासमा भदौ नौ गते तय भएको एमाले केन्द्रीय सचिवालय बैठक बाढी र डुबानका कारण स्थगित गरिएको एमालेका पोलिट ब्युरो सद्स्य तथा पुर्व कानुन मन्त्री लिलानाथ श्रेष्ठले जानकारी दिए ।

सबै तयारी पुरा भएपनि बैठक स्थल डुबानमा परेकाले लगातारको वर्षा र बाढीका कारण बैठक स्थगित गर्नुपरेको जानकारी दिए । भदौ ९ गते गर्ने भनिएको सचिवालय बैठक भदौ १३ गते हुने श्रेष्ठले जनाए।

एमालेले २०४६ सालमा भूमिगत रुपमा चौथो महाधिवेशन गरेको उक्त स्थानमा यसपटक सोही दिन पारेर सचिवालय बैठक राखेको थियो ।