दलित नागरिक समाज सञ्जालका लागि क्षमता विकास तालिम सुरु

निर्मला दाहाल

मिर्चैया । मधेश प्रदेशका दलित नागरिक समाज सञ्जालका पदाधिकारीहरूको लागि क्षमता विकास तालिम सुरु भएको छ।सिरहाको मिर्चैमा यूएस एड नेपालको आर्थिक सहयोग, द एसिया फाउण्डेसनको कार्यान्वयन र दलित सरोकार मञ्च नेपालको आयोजनामा कार्यक्रम सुरु भएको हो ।

दलित नेतृत्व नागरिक समाजहरुको सस्थागत क्षमता अविवृद्धि र दलितका लागि राज्यले दिएको अधिकारहरू प्राप्तिको गर्ने उद्देश्यले तालिम संचालन गरिएको कार्यक्रम अधिकृत अजेन्द्र दासले जनाकारी दिनु भयो ।

त्यस्तै तीन दिनसम्म चल्ने तालिममा सहभागीहरुलाई समूदायमा आधारित संगठन सम्बन्धी कानूनी व्यवस्था बारे अवगत गराउने, दलित अभियानकर्मीहरुलाई आशक्तिकारणका लागि नेतृत्व र पैरवीको सीप सिकाइने तथा स्थानियतहहरुमा छुवाछुत र भेदभाव विरुद्ध निगरानी गर्न बनेका समितिहरुमा सहभागी भएर अभियान सञ्चालन गर्न सशक्तिकरण गर्ने सहयोग पुग्ने जनाइएको छ ।

यस तालिममा मधेस प्रदेशका आठ जिल्लाका दलित नेतृत्व नागरिक समाजहरुका ४० जना प्रतिनिधिहरू सहभागी रहेको आयोजकले जनाएको छ ।