कामतको योगदानको कदर गर्दै राष्ट्रिय शोक मनाउनुपर्ने : नेता निधि

 

जीवछ उदासी 

लहान साउन २० गते । 

नेपाली काँग्रेसको नेता बिमलेन्द्र निधिले वरिष्ट चर्चित शास्त्रीय संगीतका साधक गुरुदेव कामतको योगदानको कदर गर्दै राष्ट्रिय शोक मनाउनुपर्ने बताउनु भएको छ । 

शनिबार नेता निधि कामतको गृह गाउँ लक्मीपुरपतारी पोखरभिण्डा निज निवास पुगेर कामतका परिवारजनसँगै भेटेर यस्तो बताउनुभयो । 

नेता निधिले भन्नु यो,' श्रद्धाञ्जली दिन मात्रै होइन,क्षमा माग्न पनि आएको छु । कामतको स्वास्थ्य उपचार गराउने जिम्माेवारी सरकारले लिनु पर्दथ्यो । साताको वरिपरि हामी छौ तर समयमा जानकारी हुन नसक्दा यो जिम्मेबारीबाट चुकेका छौ । ' 

  काठमाण्डौको नाँचघरमा एक पटक कामतसँग भेटेको स्मरण गर्दै नेता निधिले थप्नुभयो,' मधेश प्रदेशको सरकारले उहाँको शोकमा आधा झण्डा झुकाउने गरेको निर्णय सहि छ । उहाँको योगदानको कदर गर्दै राष्ट्रिय शोक मनाउनुपर्नेमा केन्द्र सरकारलाई घचघचाउने काम आफू काठमाण्डौ पुगेर गर्नेछु ।' 

साउन १७ गते आफ्नै निज निवासमा अन्तिम श्वास लिनु भएको थियो । कामतको दुबै मृगौला काम गर्न छाडेपछि कामत थला पर्नु भएको कामतको उपचारमा तिनै तहको सरकाले चासो नलिएको गुनासो सर्वत्र भइरहेको छ । मधेश प्रज्ञा प्रतिष्ठानले एक लाख सहयोग गर्ने गरेको घोषित रकम दिइने कुरा त पर जाओस् अस्वस्थ्य अवस्थामा जनकपुर आएर चार घण्टा गर्नु भएको सांस्कृतिक कार्यक्रमको पारिश्रमिक समेत नदिएको कुरा बाहिरिएपछि प्रज्ञा प्रतिष्ठान प्रति समेत मधेश प्रदेशमा चर्चाको विषय बनिरहेकोछ ।