पूर्वप्रदेश प्रमुख राजेश झा (अहिराज) बलात्कार आरोपमा पक्राउ

काठमाडौं, साउन ४ गते । मधेश प्रदेशका पूर्वप्रदेश प्रमुख राजेश झा (अहिराज) बलात्कारको आरोपमा पक्राउ परेका छन्। उनलाई आइतबार प्रहरीले पक्राउ गरी काठमाडौं जिल्ला अदालतमा उपस्थित गराएका हुन्।

काठमाडौं उपत्यका अपराध अनुसन्धान कार्यालयका प्रमुख एसएसपी विश्व अधिकारीका अनुसार अदालतले झालाई पाँच दिन थुनामा राखी अनुसन्धान अघि बढाउन अनुमति दिएको छ।

चार महिनाअघि एक किशोरीले झामाथि यौन शोषणको उजुरी दर्ता गरेकी थिइन्। उजुरीमा झाले विभिन्न प्रलोभन र आश्वासन देखाउँदै आफूलाई यौन शोषण गरेको पीडितको दाबी छ। उजुरी परेपछि झा फरार रहेका थिए।

प्रहरीका अनुसार उनीमाथि जबरजस्ती करणी मुद्दा दर्ता गरिएको छ र अनुसन्धान प्रक्रिया अगाडि बढाइएको छ। पूर्वप्रदेश प्रमुख झा मधेश प्रदेशमा तत्कालीन राष्ट्रपति विद्यादेवी भण्डारीबाट नियुक्त भएका थिए।

उनीविरुद्ध कानूनी कारबाहीको माग गर्दै विभिन्न महिला अधिकार संगठनहरूले आवाज उठाइरहेका छन्। प्रहरीले आवश्यक प्रमाण संकलन गरी थप अनुसन्धान भइरहेको जानकारी दिएको छ।