लिटिल स्टार स्कुलद्वारा बिरामीलाई फलफूल वितरण

फिरोज सिद्दिकी 

लहान । सामाजिक उत्तरदायित्वका रूपमा लिटिल स्टार सेकेन्डरी इंग्लिश स्कुल, लहानले लहानस्थित रामकुमार सारडा उमाप्रसाद मुरारका प्रादेशिक अस्पतालमा उपचाररत बिरामीहरूलाई फलफूल वितरण गरेको छ।

स्कुलले बिहीबार अस्पतालमा उपचाररत ८८ जना बिरामीहरूलाई केरा, स्याउ, हर्लिक्स, बिस्कुट र फ्रूटी जुससहितको फलफूल वितरण गरेको हो।

फलफूल वितरण कार्यक्रम स्कुलका फाउन्डर प्रिन्सिपल जय प्रकाश चौधरीको अध्यक्षतामा सम्पन्न भएको थियो। कार्यक्रममा स्कुलका शिक्षक–शिक्षिका तथा विद्यार्थीहरूको समेत उपस्थिती रहेको थियो।

प्रिन्सिपल चौधरीका अनुसार, समाजसेवा र मानवताको भावना जगाउने उद्देश्यले हरेक वर्ष विद्यालयले यस्ता गतिविधिहरू आयोजना गर्दै आएको छ। उनले विद्यार्थीहरूमा करुणा, सहानुभूति र सेवाभावको भावना विकास गर्न यस्ता कार्यक्रम आवश्यक रहेको बताए।

अस्पताल प्रशासनले विद्यालयलाई धन्यवाद ज्ञापन गर्दै यस्ता कार्यले बिरामीहरूमा मानसिक सान्त्वना र सकारात्मक ऊर्जा प्रदान गर्ने उल्लेख गरेको छ।