काँग्रेसको पुरानो नेता चौधरी रास्वपामा प्रवेश

 

जीवछ उदासी 

लहान,फागुन १३ गते 

नेपाली काँग्रेसको पुरानो नेता अच्चमितलाल चौधरी राष्ट्रिय स्वतन्त्र पार्टीमा प्रवेश गर्नु भएको छ ।

रा्स्वपा सभापति रवि लामिछाने लहानको मुख्य चोकमा रहेको सहिद शालिकहरुमा माल्यार्पण र चुनावी सडक प्रदर्शनमा आउनु भएको अवसरमा अच्चमितलाल चौधरी नेपाली काँग्रेस परित्याग गरी रास्वपामा प्रवेश गर्नु भएको हो । यसैगरी वातावरणविद् दिनेश कुमार यादव पनि रास्वपामा प्रवेश गर्नु भएको छ । 

२०७४ सालको स्थानीय निर्वाचनमा नौ हजारभन्दा मत ल्याएर लहान नगरप्रमुखको प्रत्यासी रहनु भएको अच्चमितलाल चौधरी पटक पटक नेपाली काँग्रेसको लहान नगर सभापति समेत रहि सक्नु भएको छ । पुर्व बामपन्थी र पछिल्लो समयमा मधेशवादी दलमा रहनु भएको दिनेश यादव बिधिवत रुपमा रास्वपा प्रवेश गर्नु भएको छ । 

''पुरानो दलहरुको कारण देशले निकास र विकास पाउन नसकेकोले परिवर्तनको बाहक शक्ति रास्वपा नै भरपर्दो विकल्प भएकोले हामी रास्वपा पार्टीमा प्रवेश गरेका छौ ,''उहाँहरुले भन्नुभयो । 

एक मिनेट २८ सेकेण्डको सम्बोधनमा सभापति लामिछानेले सहिदहरुको सपना साकार गर्ने प्रतिवद्धता व्यक्त गर्नुभयो । उहाँले भन्नुभयो,'' मधेश पहाड हिमाल जोडेर सिङगो देशको विकास रास्वपाले नै गर्ने छ ।'