खाल्डोमा डुबेर तीन बालबालिकाको मृत्यु

 

जीवछ उदासी 

लहान,असार २८ गते । 

सिरहाको गोलबजार नगरपालिका वडा नम्बर ७ चोहर्वामा एउटै परिवारका तीन बालबालिकाको डुबेर मृत्यु भएको छ । 

चोहर्वा पशु हाटबजार परिसरमा पशुलाई पानी खाने प्रयोजनको लागि खनिएको खाल्डोमा डुबेर मृत्यु भएको जिल्ला प्रहरी कार्यालय सिरहाले जनाएको छ । 

प्रहरी नायव उपरीक्षक सूचना अधिकारी रमेश बहादुर पालका अनुसार रौतहट जिल्ला परोहा नगरपालिका २ का स्थायीवासी मोहबद अवास गोलबजार नगरपालिका ७ चोहर्वा डेरा गरी बस्दै आइरहेका मोहम्मद अवासका १३ वर्षिया छोरी सबनम खातुन १० वर्षिया रुविना खातुन र ८ वर्षिय छोरा सैइफु शेख २ बजेतिर खेल्न निस्केको समयमा खेलेर खाल्डोमा नुहाउने क्रममा डुबेर मृत्यु भएको थियो । गोलबजार स्थित लिङग लाईफ र रोजी मेडिकलमा उपचारको क्रममा आज ५ बजेतिर मृतक घोषणा गरिएको सूचना अधिकारी पालले बताउनुभयो । 

यसलाई घटना होइन दुर्घटनाको रुपमा लिनुपर्ने स्थानीय पत्रकार अर्जुन थपलियाले भन्दै यसको छानविन हुनुपर्ने माग गर्नुभयो । उहाँको अनुसार गोलबजार नगरपालिकाको लापरवाहीले तीनजना बालबालिकाको मृत्यु भएको हो

।