लहानका दस जना कोरोना जितेर घर फर्के

जिवछ उदासी / फिरोज सिद्दिकी 

लहान । मंगलबार लहान नगरपालिकाका विभिन्न वडाका दस जना एकैदिन कोरोना जितेर घर फर्केका छन् ।

लहान नगरपालिका स्वास्थ्य शाखा प्रमुख राम सुन्दर यादवका अनुसार   फर्केका लहान ७ का २१ वर्ष र लहान २४ का २० वर्षका युवक  जनकपुरधाम उपमहानगरपालिका गोपाल धर्मशाला  र वाँकी आठ  जना धनगडीमाई ११ स्थित महेन्द्र गेनाई अस्थायी कोरोना अस्पतालबाट घर फर्केका हुन् ।

यसैगरी सिरहाको धनगडीमाई नगरपालिका ११ मा अवस्थित महेन्द्र गेनाई अस्थायी कोरोना अस्पतालबाट आज मंगलबार कोरोना सङ्क्रमित २० जना डिस्चार्ज भएको अस्पतालका प्रमुख सुभाष मण्डलले जानकारी दिनु भएको छ । 

उहाँको अनुसार गत जेठ ३,५, ६ र १२ गते स्वाब स्वाब संकलन गर्दा कोरोना संङ्क्रमित भएकाहरुमध्ये सखुवानन्कारकटि गाँउपालिका १ लतियाहीका ३० वर्षिय एक जना,लहान नगरपालिकाका १९ वर्षदेखि ४५ वर्ष सम्मका ८ जना,धनगडीमाई नगरपालिकाका ३४ देखि ३८ वर्षसम्मका तीन जना,बरियारपटि गाँउपालिकाका १८ देखि ४० वर्षका ४ जना,लक्ष्मीपुर पतारी गाँउपालिकाका २० वर्षका १ जना,नवराजपुर गाँउपालिकाका १८ वर्षिय पुरुष एक जना,औरही नगरपालिकाका पुरुष एक जना,कल्याणपुर नगरपालिकाका पुरुष एक जना,सप्तरी रुपनी गाँउपालिकाका ३५ वर्षिय पुरुष एक जना गरी २० जना डिस्चार्ज भएका हुन् ।

महेन्द्र गेनाई अस्पतालमा २० जना एकै दिन डिस्चार्ज भएपछि ६ जना मात्रै आइसोलेसन उपचारमा रहेका अस्पतालका प्रमुख डाक्टर मण्डलले जानकारी दिनुहुँदै  सबैको अवस्था सामान्य रहेको बताउनुभयो । 

धनगडीमाई स्थित महेन्द्र गेनाई अस्पतालबाट डिस्चार्ज भएका सबैलाई सिरहा प्रमुख जिल्ला अधिकारी सरोज गुरागाईले फूलको माला दिएर स्वस्थ्य जीवनको कामान गर्दै घर पठाउनु भएको थियो । मंगलबार सिरहा नगरपालिकामा ११ र सुखीपुर नगरपालिकमा एक गरी १२ जना पुष्टि भएका सङ्क्रमितहरुलाई महेन्द्र गेनाई अस्पतालको आइसोलेशनमा ल्याउने तयारी भइररहेको प्रजिअ गुरागाईले बताउनुभयो ।