इस्लाम धर्मावलम्बीहरुको महान पर्ब बकर ईदमा नगर प्रमुख मुनि साहको शुभकमना

समृद्धिपथ समाचारदाता 

लहान । लहान नगरपालिकाक नगर प्रमुख मुनि साहले मुस्लीम समुदायले मनाउने  ईद उल अजहा (बकर ईद्) पर्ब सद्भाव र शुभेच्छा आदानप्रदानको महत्वपूर्ण चाड भएको बताउनु भएकोे छ ।

शनिवार सम्पूर्ण इस्लाम धर्मावलम्बी नगरबसीहरुलाई शुभकामना सन्देश दिँदै नगर प्रमुख साहले यस पर्बमा शुभकामना आदानप्रदान गर्ने हुँदा यस परम्पराले आपसी सद्भाव, सहिष्णुता, मेलमिलाप र भाइचारा अभिवृद्धि गर्न मद्दत पुग्ने विश्वास ब्यक्त गर्नु भएकोे छ ।

ईद उल अजहा (बकर ईद)को अवसरमा स्वदेश तथा विदेशमा रहेका सम्पूर्ण इस्लाम धर्मावलम्बी नेपाली दाजुभाइ तथा दिदीबहिनीहरुमा नगर प्रमुख साहले सुख, शान्ति, समृद्धि, दीर्घायु तथा प्रगतिको शुभकामना व्यक्त गर्नु भएकोे छ ।