लहानमा एकै दिन ३२ जना संक्रमित, अधिकांश सुरक्षाकर्मी

समृद्धिपथ समाचारदाता,

लहान । लहानमा एकै दिन ३२ जना कोरोना संक्रमित फेला परेको छ । संक्रमित हुनेमा अधिकांश सुरक्षाकर्मी र थुनुवा रहेका छन् ।

लहान नगरपालिका स्वास्थ्य शाखाका प्रमुख रामसुन्दर यादवका अनुसार साउन ३१ गते ११३ जनाको स्वाव लिएको थियो । शुक्रबार आएको नतिजा अनुसार इलाका प्रहरी कार्यालय लहानका सुरक्षकर्मी र थुनुवा गरी ३१ जना र १ जना पशुपति आदर्श माध्यमिक विद्यालयका क्वाराइनटाइमा रहेका २१ वर्षिय लहान ९ का १७ वर्षिय युवक रहेका छन् ।

इलाका प्रहरी कार्यालय लहानमा ३९ जनाको स्वाव लिएको थियो जसमा २२ जना सुरक्षकर्मी र ९ जना थुनुवामा संक्रिमित पुष्टि भएको हो । अहिलेसम्म लहानमा ६७ जना संक्रमित भैसेको स्वास्थ्य शाखा लहानले जनाएको छ ।