सिरहामा कोरोना संक्रमित मृतकको संख्या चार पुग्यो

समृद्धिपथ समाचारदाता,

लहान ९ गते । लहान नगरपालिका २४ का २२ वर्षिय एक युवकको मृत्युसंगै सिरहामा कोरोना संक्रमित भई मृत्यु हुनेको संख्या चार पुगेको छ ।

लहान नगरपालिका स्वास्थ्य प्रमुख रामसुन्दर यादवका अनुसरा लहान २४ गोबिन्दपुरका २२ वर्षिय युवकलाई धरान स्थित विपी कोइराला स्वास्थ्य विज्ञान प्रतिष्ठानमा उपचारको लागि लैजाँदा कोरोना पुष्टि भएको युवकको ८ गते सोमबार उपचारको क्रममा मृत्यु भएको हो ।

लहान १७ का ६५ वर्षिया एक महिलालाई विराटनगर स्थित नोभेल अस्पतालमा पिसिआर परीक्षण गर्दा कोरोना संक्रमित पुष्टि भएपछि आइसोलेशनमा राखी उपचार भइरहेको छ । लहानमा अहिलेसम्म ७१ जना कोरोना संक्रमित भएकोमा ३० जना निको भइ घर फर्किसकेका छन भने एक जनाको मृत्यु र ४० जनाको आइसोलेशनमा उपचार भइरहेको प्रमुख यादवले बताउनुभयो ।

लहान २४ नम्बरका वडाध्यक्ष कमलदेव यादवले भन्नुभयो, मृतक युवकको नेपाली सेनाले अन्तिम संस्कार नजिकै रहेको सरे खोलामा गरि सकेको छ । मृतक युवकका आमा बुवामा समेत कोरोना पुष्टि भएको छ । अन्य सम्पर्कमा हुनेहरुको कन्टयाक्ट ट्रेसिङग हुनुपर्ने सम्बन्धित निकायलाई वडा कार्यालयले ध्यानाकर्षण गराइ सकेको छ ।

सिरहाका्े गोलबजार नगरपालिकामा एक युवक, मिर्चैया नगरपालिकामा एक वृद्ध र विष्ष्णुपुर गाँउपालिकामा एक ४० वर्षिय युवक गरी चार जनाको मृत्यु भैसकेको छ भने तीन सय भन्दा बढी जिल्लामा संक्रमित भएको प्रमुख जिल्ला अधिकारी प्रदिपराज कडेलले जानकारी दिनु भयो । उहाँले संक्रमणलाई फैलिन नदिन जिल्लाको १७ वटै स्थानीय तहमा लकडाउन जारी रहेको बताउनुभयो ।

लहान नगरपालिका इलाका प्रहरी कार्यालय लहानमा रहेको प्रहरी थुनुवा, स्वास्थ्यकर्मी र लहान १७ र २४ मा स्थाानीयहरुमा देखिएको संक्रमणले लहान नगरपालिकामा कोरोना संक्रमण सामुदायमा फैलिसकको अवस्था देखिएको लहान नगरप्रमुख मुनि साहले भन्दै जनहितमा जारी सुचनालाई ध्यानमा राखी बन्दाबन्दीको पूर्ण पालना गर्न सम्पूर्ण नगरवासीहरुमा आग्रह गर्नुभएको छ ।