१२३४ दलित समुदायलाई छाँक टार्न राहत वितरण

जिवछ उदासी
लहान, सखुवानन्कारकटि गाँउपालिकाले दलित समुदायका घरपरिवारलाई राहत वितरण सुरु गरेको छ ।स्थानीय अजय रामको सक्रियचतामा चुजी संस्थाको सहयोगमा राहत वितरण गर्न लागिएको गाँउपालिकाले जनाएको छ ।

त्यस गाँउपालिकामा रहेको १२३४ दलित घरपरिवारलाई राहत दिन सुरु गरिएको हो । राहतमा जिरा मसिनो चावल २५ किलो, गहुँको पिठो १० किलो, चना १ किलो, मसुरोको दाल १ किलो, तेल १ लिटर र सावुन ६ पीस रहेको छ ।

पाँच वटै वडामा रहेका दलित समुदायले निशेधाज्ञाको समयमा रोजगारी पाउन नसकेर राहतको लागि गाँउपालिकामा माग गर्न थालेपछि गाँउपालिकाले विभिन्न संघ संस्थाहरुलाई समेत सहयोगको लागि आग्रह गरिएको थियो ।

गाँउपालिका अध्यक्ष केदारनाथ यादवका अनुसार दलित आवद्ध चु जी संस्थाको सहयोगमा यो राहत प्याकेज वितरण भइरहेको छ । तीन पटक राहत वितरण गरिसको भन्दै अध्यक्ष यादवले यस गाँउपालिकाको गरीव दलितलाई भोको रहन नदिइने गरी राहत वितरणको कार्यक्रमलाई निरन्तरता दिँदै आइरहेको बताउनुभयो ।

सखुवानन्कारकटि ५ का दुर्गा राम र तेतरी रामले राहत वितरण गरेर गाँउपालिकाले गरीव दलितहरुलाई भोको रहन नदिने जनप्रतिनिधि र सहयोग गर्ने संस्थाहरुले साथ दिदै आइरहेको खुसी व्यक्त गर्नुभयो ।

स्थानीय शिक्षक राजदेव यादवका अनुसार यस गँउपालिकाका बन्दाबन्दीमा पनि स्थानीय सरकारले गरीव जनताको दुख सुखमा सहभागी हुनुको साथै शिक्षा, स्वास्थ्य, कृषि र सडक निर्माण कार्यलाई समेत निरन्तरता दिँदै आइरहेको छ ।

त्यस गाँउपालिकामा गरवि दलित हरुवा चरुवा परिवारका वालवालिकाहरुलाई शिक्षा पोषण र राहत वितरणमा आर्थिक सहयोग समृद्धि फाउन्डेशन लहान ४ ले गर्दैै आइरहेको छ । पछिलो चरणमा चु जी संंस्थाले समेत सहयोगको लागि हातेमाले गरेको गापा अध्यक्ष केदारनाथ यादवले बताउनुभयो ।