जनप्रतिनिधि र कर्मचारी साझा प्रयासबाट मात्रै समृद्धि संभव ; नगरप्रमुख हरि नारायण चौधरी

जिवछ उदासी
लहान, असोज १ गते । सिरहाको धनगडीमाइ नगरपालिकाको पाँचौ स्थापना दिवसको अवसरमा आयोजित औपचारिक कार्यक्रमलाई सम्बोधन गर्दै नगरप्रमुख हरि नारायण चौधरीले जनप्रतिनिधि र कर्मचारीको साझा प्रयासबाट समृद्धि र विकास संभव हुने बताउनु भएको छ ।

पाँच वर्ष अगाडि आजैको दिन ६ वटा गाविसहरु मिलेर बनेको धनगडीमाइ नगरपालिकाको समृद्धि र विकासको लागि सहमति सहकार्य र एकचताको माध्यमबाट अघि वढिरहेको उहाँले प्रष्टयाँउदै भन्नुभयो, सीमित श्रोत र साधनबाट नगरपालिकामा जनप्रतिनिधिहरुले नमूना नगरपालिका बनाउन लागि परेको छ । जनप्रतिनिधिबाट मात्रै संभव छैन । कर्मचारी समूह र राजनीतिक दलहरु समेत सकारात्मक रुपमा सहयोग गरिरहेकोले धनगडीमाई विकासको दौडमा अघि रहेको छ । विभिन्न दलहरुबाट आएका आलोचनात्क सुझावहरुलाई समेत नगरपालिकाले सकाकारत्मक रुपमा लिएर निष्ठापूर्वक काम गरिरहेको छ 

पाँचौ स्थापना दिवसको अवसरका दत्तचित्त भएर निष्ठाका साथ कामगरिहेका उत्कृष्ट दुई जना कर्मचारीलाई पुरस्कृत र सम्मान गरेर अन्य कर्मचारीहरु पनि प्रतिस्पर्धामा पुरस्कृत हुने भावनाले काम गर्ने उद्येश्यले यस वर्ष जनस्वास्थ्य अधिकृत विलट नारायण राय र सुचना प्रविधि अधिकृत मनिष कुमार कार्णलाई सम्मनित गरिएको हो ।

धनगडीमाई नगरपालिका १ र ४ नम्बर वडामा स्वास्थ्य चौकी स्थापनाका लागि वडा नम्बर १ का बालेश्वर महतोले २ कठा दस धुर र वडा नम्बर ४ मा शिव नारायण सिंहले ५ कठा जग्गा दान गर्ने दाताहरुलाई समेत सम्मानित गर्दैै नगरप्रमुख चौधरीले धनगडीमाई नगरपालिकाको विकासको लागि चौतर्फी सहयोग भइरहेकोले जनप्रतिनिधिहरु उत्साहित भएर काम गरिरहेको विश्वास व्यक्त गर्नुभयो ।

प्रमुख प्रशासकीय अधिकृत उपसचिव शिवराज चौलागाइले बैज्ञानिक मापदण्ड बनाएर दुई जना कर्मचारीलाई उत्कृष्ट र हवालदारबाट एक जनालाई अशयमा वढुवा र दुई जना प्रहरी जवानलाई हवल्दारमा बढुवा गरेर नगरपवालिकाले राम्रो थीति बसालेको बताउनुभयो । उहाँले भन्नुभयो,कर्मचारीलाई सजाय र दण्डको नीतिबाट प्रोत्साहित र निरुत्साहित गर्न सकिने प्रावधानलाई नगरपालिकाले व्यवहारिक रुप दिएको छ । कोरोना संक्रमण (कोभिड १९ ) को समयमा जन स्वास्थ्य अधिकृत राय र सूचना प्रविधिको उच्चतम प्रयोग गरेर नगरपालिकाको विकासको लागि योदान गरेका सुचना अधिकृत कर्णलाई पुरस्कृत गरेर अन्य कर्मचारीहरुले समेत राम्रो र उत्कृष्ट काम गर्न लाग्ने संस्कृति बसाउन लागेका छौ ।

कार्यक्रममा नेपाली काँग्रेस सिरहा जिल्ला सभापति रामचन्द्र यादवले धनगडीमाइ नगरपालिकाले जनताको भावना बुझेर काखा पाखा नगरी सबैको काम पारदर्शी भएर गर्नुपर्ने र विकास निर्माणको अनुमनमा ध्यान दिनुपर्नेमा जोडदिनुभयो । उहाँले भन्नुभयो,राम्रो काम गरे नेपाली काँग्रेसले सधै सहयोग गर्ने जनताले सासती पाउने र आर्थिक अनियमितता देखिए चुप लागेर बस्ने छैन ।

उत्कृष्ट कर्मचारीद्वय राय र कर्णलाई जनही २५ हजार पाँच यसको दरले नगद पुरस्कार ग्रहण गर्दै उहाँहरुले आफूहरु उत्कृष्ट भएकोमा गौरवान्ति महसुु भइरहेको छ । उत्कृष्ट हुनको लागि नगरप्रमुख उपप्रमुख लगायत सम्पूर्ण कर्मचारी मित्रहरुले समेत सहयोग गरेको अनुभव व्यक्त गर्नुभयो ।

 

कार्यक्रममा नगरप्रमुखखका प्रत्यासी रहनु भएका शिव शंकर महतो, पञ्चलाल महतो र नेकपाका जिल्ला कमिटि सदस्य उत्तर बाहादुर जर्घा मगर लगायतकाहरले नगरपालिकाको विकासको रफ्तार अघि बढाउन नगरपालिकाले सबैको सल्लाह सझाव लिएर अघि वढ्नुपर्ने शुभकामना व्यक्त गर्नुभयो ।