कोरोना सङ्क्रमणको वेलामा पनि महिला हिंसा बढ्यो

जिवछ उदासी
लहान, लहान नगरपालिकामा कोरोना सङ्क्रमणको बेलामा महिला हिंसा बढेको नगरउप्रमुख तथा नयायिक समितिका संयोजक सरियार कुमारी चौधरीले बताउनुभयो ।

नगरपालिकाको ५, १८, २३ र २४ नम्बर वडामा महिला हिंसासम्बन्धी उजुरी नै न्यायिक समितिमा आएको उपप्रमुख चौधरीले भन्दै पति र परिवारको अन्य सदस्यहरुबाट हिंसामा महिलाहरु हिंसामा परेकी उहाँले बताउनुभयो ।
लहान नगरपालिकाको २४ वटै वडाहरुमा गठित मेलमिलाप समितिले समेत वडा स्तरमा मेलमिलाप गराउन काम गरिरहेकोले पहिलेको तुलनामा सहज भइरहेको उपप्रमुख चौधरीले प्रष्टयाउनुभयो ।

साउन यता हालसम्म १३ वटा महिला हिंसाको घट्ना दर्ता भएको छ । महिला हिंसा बाहेक लेनदेनस समिा साँध सम्बन्धी आएको निवेदनमा समेत न्यायिक समितिले सक्रियतापूर्वक काम काम गरिरहेको न्यायिक समितिका सदस्य शान्ती देवी सदायले बताउनुभयो ।

२०७५÷०६ मा दर्ता भएको ९० मुद्दाहरु मध्ये २३ वटा फैसला भैसकको र २३ वटा फैसला हुन बाँकी रहेको प्रष्ट न्यायिक समितिका अर्का सदस्य देवशरण पण्डितले लहान नगरपालिकामा न्याय समपादन व्यवसिथत तरिकाले भइरहेको भएपनि कोरोना महामारीको समयमा धेरै प्रक्रियाहरु संचालन गर्न समस्या भइरहेको बताउनुभयो ।

सिरहा जिल्लामा नै व्यवस्थित न्यायिक समिति लहान नगरपालिकाको रहेको महिला मानव अधिकारकर्मी रेणु कर्णले भन्दै कतिपय स्थानीय तहहरुमा अझैपनि न्यायिक समितिको काम व्यवस्थित हुन नसकेका चिन्ता प्रकट गर्नुभयो ।
उहाँले भन्नुभयो, भौतिक विकास मात्रै विकास नभएर सामाजिक न्याय पनि विकासकै अर्को पाटो भएकोले स्थानीय तहमा रहेका न्यायिक समितिहरु सक्रिय हुन आवश्यक छ ।

कारोना महामारीको समयमा श्रीमान (पति)बाट नै वढी हिंसाको चपेटामा परेको अर्का महिला अधिकारकर्मी गीता साहको बुझाइ रहेको छ । यस्तो विषम परिस्थितिमा पनि लहान नगरपालिकाको न्यायिक समिति सक्रिय रहेको छ । न्यायिक समतिका संयोजक उपप्रमुख जतिवेला पनि पीडित महिलाहरुको फोन रिसिभ गरेर सक्ने सहयोग फोन गरेर पनि गरिरहनु भएको छ ।