ओरेक नेपालद्वारा सिरहा कारागारका कैदीबन्दीहरुका लागि राहत सामग्री हस्तान्त्रण

फिरोज सिद्दिकी,

लहान । ४१औं सामाजिक सेवा दिवसको अवसरमा ओरेक नेपाल सिरहा शाखाले सिरहा कारागारमा रहेका कैदीबन्दीहरुका लागि राहत सामग्री हस्तान्त्रण गरेका छन् ।

शुक्रबार एक कार्यक्रमको आयोजना गरी प्रमुख जिल्ला अधिकारी प्रदिप कणेलको उपस्थितिमा निमित्त कारागार प्रमुख बविता कुमारी महतोलाई राहत सामग्रंी हस्तान्त्रण गरिएको हो ।

राहत सामग्रीमा तीन सयवटा झुलका साथै महिलाहरुका लागि डिगनिटी किट जसभित्र नुहाउने साबुन ३ थान, लुगाधुने साबुन ३ थान, काइयो १ थान, नेलकटर १, ब्रस १, टुथपेष्ट १, रबर १, प्याड १, गम्छा १ र पेन्टी २ थान रहेको ओरेक नेपालका कार्यक्रम तथा संचार अधिकृत अनिता चौधरीले जानकरी दिनुभयो ।

कोभिड–१९ को समयमा कारागारमा लामखुट्टेको समस्याका साथै कैदी बन्दीहरुमा कोरोनाको संक्रमण समेत देखा परेकोले त्यसबाट कारागारमा रहेका कैदीबन्दीहरुलाई विभिन्न रुपमा समस्या हुने गरेको निमित्त कारागार प्रमुख महतोले जानकारी दिनुभयो । उहाँले राहत सामग्री पलब्ध गराई सहयोग गर्ने ओरेक नेपाल सिरहा शाखालाई अभार व्यक्त गर्दै धन्यवाद ज्ञापन गर्नु भएको छ ।

गत साता जिल्ला कारागार सिरहाका ५ सय ९७ कैदीबन्दीमध्ये ५ सय ७ जनामा कोरोना संक्रमण पुष्टि भएको थियो ।