महिला, बालबालिका तथा ज्येष्ठ नागरिक मन्त्रीमा लिलानाथ श्रेष्ठ नियुक्त

सिरहा । नेपाल सारकारको महिला, बालबालिका तथा ज्येष्ठ नागरिक मन्त्रीमा सिरहा ३ का सांसद लिलानाथ श्रेष्ठ नियुक्त हुनु भएको छ ।

प्रधानमन्त्री केपी शर्मा ओलीको सिफारिसमा बुधबार मन्त्री नियुक्त हुनु भएका श्रेष्ठले पद तथा गोपनीयताको शपथ लिएका हुन् ।

शितल निवासमा आयोजित समारोहमा सिफारिस गरिएका तीन जनाले पद तथा गोपनियताको शपथ लिएका हुन् । राष्ट्रपति विद्यादेवी भण्डारीले विष्णु पौडेल, कृष्ण गोपाल श्रेष्ठ र लिलानाथ श्रेष्ठलाई पद तथा गोपनियताको शपथ ग्रहण गराएकी हुन् ।

प्रधानमन्त्री केपी शर्मा ओलीले बुधबार विष्णु पौडेललाई अर्थ, कृष्ण गोपाल श्रेष्ठलाई शहरी विकास र लीलानाथ श्रेष्ठलाई महिला, बालबालिका तथा ज्येष्ठ नागरिक मन्त्री सिफारिस गरेका थिए ।

प्रधानमन्त्रीको सिफारिसमा राष्ट्रपतिले बिहीबार नै उनीहरुलाई मन्त्री नियुक्त गरेकी थिइन् ।