बैशाख २ गते सार्वजनिक बिदा

फिरोज सिद्दिकी,

लहान । लहान क्षेत्रका वासिन्दाहरुले परम्परागत रुपमा मनाउँदै आएको जुरसितल (सिरुवा) पर्वको अवसरमा सिरहाको लहान नगरपालिकाले बैशाख २ गते विहिबार सार्वजनिक बिदा दिएको छ ।

लहान नगर पालिकाले सुचना जारी गर्दै बैशाख २ गते विहिबार जुरसितल/सिरुवा पर्व परेकाले बिदा दिइएको जनाइएको छ । नगर कार्यपालिकाको निर्णय बमोजिम जुरसितल/सिरुवा पर्वको अवसरमा विहिबार सम्पूर्ण सार्वजनिक, सरकारी, गैरसरकारी तथा सम्बन्धित निकायहरुलाई नगरस्तरीय सार्वजनिक बिदा दिइएको जनाइएको छ ।

त्यसैगरी लहान नगरपमुख मुनि साहले नयाँ वर्षको शुभकामना दिदै भन्नु भएको छ ‘नयाँ वर्ष २०७८ को उपलक्ष्यमा सम्पूर्ण नगरवासीमा सुख, शान्ति, समृद्धि, सु–स्वास्थ्य, दिर्घायु, आपसी भाईचारा, बढोत्तरी एवं उत्तरोतर प्रगति तथा नगरले लिएको तिब्र भौतिक पूर्वाधार विकास, आर्थिक सामाजिक रुपान्तरण र सुशासन कायम गर्दै समृद्ध नगर निर्माणमा एक ढिक्का भएर लाग्न सबैलाई प्रेरणा मिलोस् भन्ने शुभकामना व्यक्त गर्दछौं ।’