कोरोनाले डीएसपी केसीको निधन

कोरोना भाईरस (कोभिड–१९) संक्रमण भई उपचारार्थ नेपाल प्रहरीका एक प्रहरी नायव उपरीक्षक (डीएसपी) ले ज्यान गुमाएका छन् ।

कोरोना महामारीमा अग्रपंक्तिमा खटिएको डीएसपी राजकुमार केसीको नेपाल प्रहरी अस्पताल महाराजगन्जमा गएराती निधन भएको हो ।

कोरोना संक्रमण देखिएपछि डीएसपी केसीलाई केही दिन अगाडी नेपाल प्रहरी अस्पतालमा भर्ना गरिएको थियो । डीएसपी केसी महानगरीय प्रहरी परिसर काठमाडौंमा कार्यरत थिए ।