सिरहाको यादव र चौधरी केन्द्रीय सदस्यमा निर्वाचित

 जिवछ उदासी

लहान,पुस ४ गते । नेपाली काँग्रेसको १४ औ महाधिवेशनमा सिरहाका चित्रलेखा यादव र पद्म नारायण चौधरी निर्वाचित हुनु भएको छ ।

पुर्व उपसभामुख र पुर्व शिक्षा मन्त्री समेत रहिसक्नु भएको यादव सिरहा नवराजपुर निवासी हुनुहुन्छ । अंग्रेजी विषयको प्राध्यापन पेशा छाडेर नेपाली काँग्रेसबाट राजनीति यात्रा सुरु गर्नु भएकी यादव १३ औ महाधिवेशनमा सिरहाकी सीतादेवी यादवसँग कोषाध्यक्षमा पराजित व्यहोर्नु भएको थियो ।

केन्द्रीय सदस्यहरुको मतगणना सम्पन्न भएसँगै सिरहाबाट यादव र चौधरी केन्द्रीय सदस्यमा निर्वाचित हुनु भएको हो । सिरहा १ बाट दुई पटक प्रतिनिधिसभा सदस्य र उद्योग राज्यमन्त्री समेत हुनु भएको चौधरी समानुपातिक सांसद हुनुहुन्छ ।

सिरहाबाट केन्द्रीय सदस्यमा सितादेवीको पुत्र डा सुभाष चन्द्र यादब,युवानेता संजय यादव पुरानो संघर्षशील नेता राम दयाल यादव केन्द्रीय सदस्यको लागि पहिलो पटक उम्मेदबार भएपनि यादव र चौधरीले विजय हुन सफल हुनु भएका हुन् ।