स्थानीय तहको निर्वाचनमा लैंगिक सुनिश्चिताको लागि ध्यानाकर्षण पत्र

सिरहा । यही बैशाखा ३० हुने स्थानीय तहको निर्वाचनमा लैंगिक सुनिश्चिताको मांग गर्दै सिरहाका पाँच वटा पार्टीमा सामुहिक ध्यानाकर्षण पत्र बुझाएको छ ।

स्थानीय तहको निर्वाचन नजिकिदै जाँदा हरेक राजनीतिक दलमा महिला उम्मेदवारको संख्यामा बृद्धि एवं निणर्ायक पदमा महिला उम्मेदवार सुनिश्चितताको माँग गर्दै सिरहाका मानवअधिकारकर्मीहरूद्वारा प्रमुख राजनीतिक दलको निणर्ायक तहका नेतृत्वकर्ता समक्ष ध्यानाकर्षण पत्र बुझाएको हो ।

सिरहास्थित मानवअधिकार संजाल, महिला मानवअधिकार रक्षक संजाल, ओरेक, मुक्ति नेपाल, समग्र जनउत्थान केन्द्र, इन्सेक, मानवअधिकार एलाइन्स लगायतका संस्थाहरुद्वारा नेकपा एमालेका सांसद तथा पूर्व कानुन मन्त्री लिलानाथ श्रेष्ठ, नेपाली कांग्रेसका सिरहा सभापति रामचन्द्र यादव, नेकपा माओवादीका सांसद जगत राय, नेकपा एकीकृत समाजबादीका प्रदेश कानुन मन्त्री प्रमोद यादव, जनता समाजबादी पार्टीका जिल्ला अध्यक्ष अशोक यादवलाई ध्यानाकर्षण पत्र बुझाईए मानवअधिकारकर्मी अनिता चौधरीले जानकारी दिनुभयो ।