लहान ३ मा एमाले दिनप्रतिदिन बलियो हुँदै

 

जीवछ उदासी 

लहान,बैशाख २१ गते । 

लहान नगरपालिकामा नेकपा एमालेको पक्षमा देखिएको जन लहारले दिनप्रतिदिन बलियो हुँदै गएको छ । २०७४ सालको स्थानीय निर्वाचनमा थोरै मतले पराजित हुनु भएको राजेश चौधरी यसपटक सुरुदेखि नै थालेको तयारीले जीतको नजिक पुग्न लाग्नु भएको हो । 

२२ सय मतदाता रहेको लहान ३ मा अहिले एमाले,काँग्रेस र जसपाकोबीच त्रिपक्षीय प्रतिस्पर्धा देखिएपनि अन्तत: एमाले काँग्रेसबीच दुई पक्षीय प्रतिस्पर्धामा नेकपा एमालेका सबै उम्मेदबार शानदार रुपमा बिजय हुने लहान- ३ का राम सेवक ठाकुरको बुझाई रहेको छ ।

नेपाली काँग्रेसबाट रामदयाल महतोले २०७४ सालको निर्वाचनमा झिनो मतले जित हासिल गर्नु भएको थियो । वडा अध्यक्षमा महतोले जीत हासिल गरेपनि ४ जना सदस्य तत्कालिन संघीय समाजबादी पार्टीले जितेको थियो । जितेका चार सदस्यहरु मध्ये तिन जना सदस्यहरु राजाराम महतो,महिना पासवान,विसुन महतो लगायत सयौ जसपाका नेता कार्यकर्ताहरु नेकपा एमालेमा प्रवेश गरि सकेका छन् । 

युवा शालिन भद्र र विकासप्रेमी स्वभावका राजेश कुमार चौधरीलाई जिताउन त्यस वडाका मतदाताहरु सक्रिय भएर लागेको एमालेका नगर कमिटि सदस्य नथुनी महतोले बताउनुभयो । 

 

 

‌