लहान ९ मा एमाले काँग्रेसबीच टक्कर

जीवछ उदासी 

लहान, बैशाख २२ गते । लहान नगरपालिका वडा नम्बर ९ मा नेकपा एमालेका वडाध्यक्षको उमेदवार मो. नियामुदिन र नेपाली काँग्रेसको वडाध्यक्षको उम्मेदबार घुरन चौधरीबीच कडा टक्कर हुने भएको छ ।

अहिले १४७५ मतदाता रहेको यस वडामा २०७४ को चुनावमा नेकपा एमालेबाट वडाअध्यमा प्रदिप चौधरी जीत हासिल गर्नु भएको थियो । राष्ट्रिय प्रजातन्त्र पार्टीबाट वडाध्यक्षको उम्मेदबार रहनु भएको इश्वर देव साह दुई सय मत प्राप्त गर्नु भएको साह अहिले नेकपा एमालेमा प्रवेश गरिसक्नु भएकोले नेकपा एमाले मजबुत देखिएको छ । ११२ मतले जीत हासिल गरेको ९ नम्बरमा इश्वर देव साह र जसपाबाट उम्मेदबार हुनु भएको हजारी साहको समर्थन समेत एमालेलाई रहेको छ । 

थारु, मुस्लिम, तेली, पहाडी, यादव र दलितको मतदाता रहेको यस वडामा २०७४ सालको चुनावमा स्वतन्त्र उम्मेदबार केदार मल्ल अहिले नेकपा माओबादी केन्द्रबाट उम्मेदबार हुनु भएको छ भने नेकपा एकिकृत समाजबादीबाट वडाध्यक्षको उम्मेदबार मो नजिम रहनु भएको छ । 

चुनाव नजिकिँदै गएपछि नेकपा एमालेको उम्मेदबार मो. नियामुदिन र नेपाली काँग्रेसको उम्मेदबार घुरन चौधरीबीच नै प्रतिस्पर्धा हुने स्थानीय मतदाताहरुको भनाई रहेको छ ।