अविरल वर्षाले इस्लामपुर र सुन्दरपुर डुबानमा

 

जीवछ उदासी 

लहान,असोज १२ गते ।

अविरल वर्षाले गर्दा लहान- ४ का इस्लामपुर र सुन्दरपुर सुकुम्बासी बस्ती डुबानमा परेको छ । बलान नदीको पश्चिमी किनारमा रहेको यी दुबै बस्ती हरेक वर्ष वर्षाको समयमा यस्तो समस्या झेल्दै आइरहेको छ । 

स्लामपुर र सुन्दरपुर बस्तीको दीर्घकालिन समस्या समाधान गर्नुपर्ने माग गर्दै आइरहेको स्थानीय पीडित निर्मला मोदेले सुनाउनुभयो। दिर्घकालिन समस्या समाधानको लागि मधेस प्रदेशको विपद व्यवस्थापन संसदीय समितिले समेत स्थलगत अनुगमन गरि सकेको र संघमा पनि संघीय सांसद राम शङकर यादव र गङ्गा प्रसाद यादवले उठाइएकोले समस्या समाधान हुने लहान- ४ का वडाध्यक्ष रामनाथ पण्डितले जानकारी दिनुभयो । 

  लहान-२ मा भवरा नहरको किनारमा खसेको बरको रुख हटाउन, इस्लामपुर र सुन्दरपुरमा बाषढीले पुर्याएको पीडितहरुलाई आवश्यक सहयोग गरिने लहान नगरप्रमुख महेश प्रसाद चौधरीले बताउनुभयो ।